Малчид, тариаланчид, ард иргэдийн анхааралд: Өнөөдөр зүүн зүгийн нутгийн зүүн хэсгээр цас орж, цасан шуурга шуурахыг анхааруулж байна.

2015 оны аравдугаар сарын 08-ны 08 цагаас 20 цаг хүртэл:  Нутгийн зүүн хэсгээр солигдмол үүлтэй. Зүүн зүгийн нутгийн зүүн хэсгээр цас орж, цасан шуурга шуурна. Бусад нутгаар багавтар үүлтэй. Цас орохгүй. Салхи нутгийн баруун хэсгээр баруунаас бусад нутгаар зүүн хойноос секундэд 6-11 метр, говь талын нутгаар түр зуур секундэд 16-18 метр хүрч  ширүүснэ. Хангай, Хөвсгөл, Хэнтийн уулархаг нутгаар 3-8 хэм, Алтайн өвөр говь болон Их нууруудын хотгороор 12-17 хэм, бусад нутгаар 7-12 хэм дулаан байна.

УЛААНБААТАР ХОТ:  Багавтар үүлтэй. Цас орохгүй. Салхи зүүн хойноос секундэд 7-12 метр. 5-7 хэм дулаан байна.

Өглөө 05 цагт Улаанбаатарт: 5 хэм хүйтэн, харьцангуй чийг 82 хувь, агаарын даралт 876 гектопаскаль байлаа. Даралт өдөртөө тогтвортой байна.

2015 оны аравдугаар сарын 09-ноос аравдугаар сарын 13-ныг хүртэлх
цаг агаарын урьдчилсан  төлөв

9-нд зүүн зүгийн нутаг болон говийн нутгийн зүүн хэсгээр хур тунадас орно. Бусад хугацаанд бүх нутгаар хур тунадас орохгүй. Салхи 9-нд нутгийн зүүн хэсгээр секундэд  түр зуур 18-20 метр хүрч шороон болон цасан шуурга шуурна. Хугацааны эхээр нутгийн зүүн хэсгээр хүйтэн байх боловч бусад хугацаанд дулаарч Хөвсгөл, Хэнтэйн уулархаг нутагаар шөнөдөө 3-8 хэм хүйтэн, өдөртөө 6-11 хэм, говийн бүс нутгийн өмнөд хэсгээр шөнөдөө 1-6 хэм, өдөртөө 16-21 хэм дулаан, бусад нутгаар шөнөдөө 3 хэм хүйтнээс 2 хэм дулаан, өдөртөө 13-18 хэм дулаан байна.