Монголын Маркетинг Менежментийн Хүрээлэнгээс 2008 оноос хойш зохион байгуулж буй GrandExpo үндэсний бизнес фестиваль нь бизнес эрхлэгчдийн хүсэн хүлээдэг арга хэмжээ билээ. Энэхүү фестивалийн агуулга жил ирэх бүр улам төгөлдөршиж байна. Урд жилийн GrandExpo наадам нь үндэсний бизнесменүүдэд брэнд бүтээгдэхүүнээ жилийн туршид үнэгүй сурталчлах эрх олгож, бусад байгууллагууд бизнесменүүдэд үнэ цэнэтэй олон төсөл хөтөлбөр хэрэгжүүлэх эхлэлийг тавьсан.

Энэ жилийн тухайд BreakingNews.mn сайтаар санал асуулга явагдаж, бизнесийн салбар бүрт нэвтэрч буй шилдэг технологи, зах зээлд нийлүүлэгдэж буй шинэ брэнд бүтээгдэхүүн үйлчилгээг сурталчлан таниулах юм.

Тус фестивальд бусдаас ялгарах шинэ бүхнээрээ өрсөлдөх учраас аль хэдийнэ зах зээлд байр сууриа эзэлсэн, томоохон компаниудтай өрсөлдөх боломжийг шинэ компани, залуу эздэд олгож буйгаараа давуу талтай. Орон нутгийн бизнес эрхлэгчдийг ч өргөн хүрээтэй хамруулах нь төслийн гол зорилго аж. Брэнд бүтээгдэхүүн, шилдэг техноглогио олон түмэнд таниулан сурталчлах зорилготой бизнес эрхлэгч та бүхнийг урьж байна.

Харилцах утас:88097557, 90088808