Монголын хип хоп урсгалын тулгын чулууг тавилцсан Хар Тас, Mon Ta Rap, Mr.Dogs болон Татар хамтлагууд эргэн тайзнаа нэгдэн хуучны домог болсон доргио дуунуудаараа удтал хүлээлгэсэн үзэгч фенүүдийнхээ цангайг тайлж, дурсамжыг сэдрээх гэж байна.
Нэгдүгээр сарын 22-нд Crocus-д тоглогдох Pump-BEATS тоглолтонд 90 болон 2000 оны залуусыг жинхэн утгаар нь доргиож байсан та бидний сонсох дуртай, сэтгэлд хоногшсон дуунууд болох Бүрхэг тэнгэр, Хар Тас хаа ч явсан сийхгүй, Тэнгисийн эрэг дээрх 247, Танилцъя охин, Охин заяа болон бороо гэх мэт домог болсон бүх дуунуудаа тэд нэгэн доор дуулж бут авахаар төлөвлөжээ.
Тус тоглолтод Монголын үе үеийн залуусыг доргиож, хип хоп хөгжмийн хэмнэлд байлдан дагуулж байсан хамтлагууд болох Gee, Desant, Gennie, Юүдэнтэн, Нөлөө болон шинэ үеийн MeKh ZahQ, Show girls, Ai4mr production болон Улаан туг хамтлагууд урилгаар оролцож, ах нартаа хүндэтгэл үзүүлэхээ илэрхийлсэн байна.
Тоглолтын ерөнхий зохион байгуулагчаар Easyticket.mn болон Хар Тас Энтертайнмент ажиллаж байгаа аж. Тасалбарын үнэ 40 мянган төгрөг. Онлайн тасалбарыг www.easyticket.mn мөн 1900-1188 лавлах утсаар захиалж үнэгүй хүргүүлж авах боломжтой байгаа юм байна.
