Монгол улс дахь идэвхтэй үйл ажиллагаа явуулж буй бүх холбоодууд "Монголын нохойн холбоо" нэрэн доор нэгдэж байгааг дуулгахад тун таатай байна. Үүнтэй холбогдуулан нийт нохой сонирхогч та бүхэндээ зориулан эхний үйл ажиллагаа болгож "Монгол нохойн холбооны хаврын үзэсгэлэн, тэмцээн"-ийг зарлаж байна.
Та бүхнийг идэвхтэй оролцохыг урьж бас уриалж байна.
1. ТЭМЦЭЭНИЙ НАСНЫ АНГИЛАЛ
- 3-6 сартай эм гөлөг
- 3-6 сартай эр гөлөг
- 6-9 сартай эм гөлгөн нохой
- 6-9 сартай эр гөлгөн нохой
- 9-15 сартай эм залуу нохой
- 9-15 сартай эр залуу нохой
- 15-24 сартай эм залуу нохой
- 15-24 сартай эр залуу нохой
- 24-с дээш сартай насанд хүрсэн эм нохой
- 24-с дээш сартай насанд хүрсэн эр нохой /Монгол Хоточ Нохой, Түвд Мастифф, Монгол Тайга үүлдрийн нохдын хувьд насны ангилал арай өөр болж орж байгаа болно/
2. ТЭМЦЭЭНД ОРОЛЦОХ НОХОЙНЫ ЭЗЭН ТА
- Өөрийн нохойн удмын бичиг /Хэрвээ та өөр удмын бичигтэй бол цаг тухайд нь Монголын нохойн холбооны /Цаашид MKU гэх/ бүртгэлтэй удмын бичгээр ҮНЭГҮЙ солиулаад тэмцээндээ бүртгүүлэх боломжтой/
- Тэмцээнд оролцох нохойг микро чип, шүдний зуулт, төмсөгийг нь анхан шатны байдлаар шалгуулна.
- Тэмцээнд бүртгүүлэх өргөдлийн маягт бөглөнө /Та МKU холбооны байран дээр ирж өргөдлийн маягт бөглөнө/ Хаяг: Монголын нохойн холбооны оффис: Баянзүрх дүүрэг, 25-р хороо, 13-р хороолол, Говь ресторантай байр, 6 давхарт байрлаж байна.
- Бүртгэлийн хураамж: 30,000 төгрөг. /Монгол улсад зохион байгуулагдаж буй хамгийн анхны заалны тэмцээн учир дулаахан, цэвэр цэмцгэр, оролцоход, үзэхэд хамгийн таатай байх болно/
3. ТЭМЦЭЭНИЙ БҮРТГЭЛ
2016.03.15-ны өдрийг хүртэл Монголын Нохойн Холбооны байран дээр бүртгэнэ. Бүртгэлтэй холбоотой асуулт байвал 9967-7877 /Соронзоо/ утас руу холбогдоно уу.
4. ТЭМЦЭЭНИЙ АЛБАН ЁСНЫ ШҮҮГЧ
FCI - Олон улсын нохойн холбооны салбар, албан ёсны мэргэжлийн шүүгч, эксперт, анализер, дэлхийд алдартай үржүүлэгч, дэлхийн шилдэг "Александрова Слобода" үржлийн газрын эзэн, мэргэжлийн сургагч ноён Василий Марков ирж Монголын нохойн холбооны хаврын тэмцээнийг шүүнэ.
Энэ хүн FCI-ийн хүнд жингийн үүлдрүүд, болон бусад /Роттвэйлер, Доберман хамаарагддаг/ групп, секторт багтаж буй бүх үүлдрийн нохдыг дэлхийн хаана ч, аль ч томоохон үзэсгэлэн шоуг шүүн явуулах бүрэн эрхтэй, лицензтэй. Энэ хүний нохойн хөгжлийн салбарт орсон он цаг хугацаа тэртээ 1980 оноос эхлэлтэй.
Ийнхүү 1997 онд анхлан FCI-д элсэн орж, тус ондоо өөрийн үржлийн газар болох "Александрова Слобода"-г бүртгүүлсэн байдаг.
Энэ үржлийн газрыг Дэлхийн хүнд жингийн нохойн салбарын ноён оргил нь хэмээдэг ба энэ үйл хэрэг ноён Василий Марковтой шууд холбоотой. Түүний үржүүлэн гаргасан нохдоос дурьдвал дэлхийн аварга, тип тодорхойлогч, үржлийн үнэт материал, төгс бүтээл гэгддэг Юзбаш из Александрова Слобода, Гранд Чемпион Тохмет из Александрова Слобода, Интерчемпион Султан от из Александрова Слобода, түүхэн ДАрк из Александрова Слобода нарыг дурьдаж болох юм.
5. ЗОХИОН БАЙГУУЛАГДАХ ГАЗАР
Монгол улс, Улаанбаатар хотын хэмжээн дэх хамгийн том арга хэмжээ, фестивал, экспо үйл ажиллагаанууд зохион байгуулагддаг МИШЭЭЛ ЭКСПО төвд зохион байгуулагдана.
Бүртгэлийн хугацаа эхэлсэн, явагдаж байгаа тул та бүхэн бүртгэлдээ яаравчлан хамрагдаарай.
Холбогдох утас: +976 99677877
Хөгжлийн төлөө хамтдаа
- "Mongolian Kennel Union Exhibition 2016"
- "Mongolian Kennel Union Exhibition 2016"
