Өнөөдөр буюу аравдугаар сарын 18-ны мягмар гарагт болох зарим үйл явдлын тоймыг хүргэж байна.

"Туушин" Зочид буудал

09.00 цагт: Хөдөө аж ахуй, Хөдөөгийн Статистикийг боловсронгуй болгох олон улсын хөтөлбөрийг хэрэгжүүлэх нээлтийн семинар "Соёмбо" танхимд болно.

Гадаад харилцааны яам

10.00 цагт: Тус яамнаас уламжлал болгон зохион байгуулдаг "Мэдээллийн цаг" хэвлэлийн бага хурал "Зөвшилцөл" танхимд болно. Энэ удаагийн "Мэдээллийн цаг"-т ГХЯ-ны Төрийн нарийн бичгийн дарга Д.Даваасүрэн, Бодлого, төлөвлөлтийн газрын захирал Ш.Одонбаатар, Консулын газрын захирал Я.Ариунболд, Гадаад худалдаа, эдийн засгийн хамтын ажиллагааны газрын захирал В.Энхболд, Ази, Номхон далайн орнуудын газрын дэд захирал Э.Сарантогос нар оролцож Засгийн газрын 2016-2020 оны үйл ажиллагааны хөтөлбөр хэрэгжиж эхэлсэн эхний 100 хоногийн хугацаанд Гадаад харилцааны яамнаас хэрэгжүүлсэн гол үйл ажиллагаа болон Ерөнхий сайд Ж.Эрдэнэбатын Япон Улсад хийсэн айлчлал хийгээд Хилийн чанадад амьдарч буй монгол иргэдийн асуудлаар мэдээлэл өгнө. Утас: 99028994

Багшийн хөгжлийн ордон

11.00 цагт:  Боловсролын зээлийн сангийн үйл ажиллагааны албан ёсны нээлт болно. Арга хэмжээнд БСШУС-ын сайд Ж.Батсуурь нарын холбогдох албаны хүмүүс оролцож, Боловсролын зээлийн сан, оюутанд зээл олгох журмын талаар дэлгэрэнгүй мэдээлэл өгнө. Утас: 88989878, 99030264

"Зууны мэдээ" сонины Үндэсний мэдээллийн төв

11.30 цагт: “Босоо хөх монгол” ТББ-аас Шүүх цагдаагийн байгууллагуудтай холбоотой ноцтой баримт дэлгэнэ.

Тусгаар тогтнолын ордон

14.00 цагт: Тус ордны өмнөх талбай дээр МСҮТ-ийн оюутнуудын 70 мянган төгрөгийн тэтэглэгийг шийдэхийг шаардсан шаардлагын  хариуг нэхэх цуглаан болно. Утас: 99772722