Бостон хотын “Мелодийго” гэдэг хамтлаг цахилгаан үүсгэгч мотор эсвэл тог ашиглахгүй, зөвхөн генератороор гаргасан цахилгаанаар хөгжмөө ажиллуулдаг байна. Тэд үзэгчдээс сайн дурын гурван хүн сонгож унадаг дугуйны дөрөө жийлгэн генераторыг эргүүлж цахилгаан үүсгэдэг байна. Ингээд гаргаж авсан цахилгаанаараа гитар, өсгөгч, пульт болон бусад бүх л цахилгаан хэрэгслээ ажиллуулдаг аж. Дөрөө жийж байгаа үзэгчид ч тэдний тоглолт үзэх боломжтой. Тэдний найз Шон Стийвенс энэ аргыг анх санал болгожээ.  Ингээд нэг их хүч гаргалгүй гурван генератороос 100-150 ватт эрчим хүч гарган авах аргыг сэдсэн байна. Байгальд хоргүй цахилгааны эх үүсвэрээр хөгжмөө ажиллуулж байгаа нь үзэгчдийн хувьд илүү сонирхолтой санагддаг аж. Дугуй жийж байгаа хүмүүс ч өөрсдийнх нь оролцоотойгоор концерт явагдаж байна гэж бодохоор сэтгэл нь хангалуун байдаг гэнэ.
Shuum.mn