2016 оны 08 дугаар сараас эхлэн Бүгд Найрамдах Чех улсын Элчин сайдын яамны цахим шуудангийн хаягийг хуурамчаар дуурайлган хийж фэйсбүүк цахим хуудсанд “Чех улсад ажиллах урт хугацааны визний цаг гаргуулна” гэх зарын дагуу иргэдтэй холбогдохдоо дуу хоолойгоо өөрчлөх төхөөрөмж ашиглан ярьж өөрийгөө Бүгд Найрамдах Чех улсын Элчин сайдын яаманд ажилладаг хэмээн итгүүлэн, хохирогчийн цахим шуудангийн хаяг руу хуурамч шууданг илгээж 30 минутын дотор мөнгө шилжүүлэхгүй бол цуцлагдана хэмээн бусдад онц их хэмжээний хохирол учруулсан этгээдүүдийг ЭЦГ-ын Кибер гэмт хэрэгтэй тэмцэх хэлтсээс илрүүлэн холбогдох шалгалтыг хийж байна. Иймд иргэд та бүхэн цахим орчинд анхаарал болгоомжтой ажиллана уу.

Цахим гэмт хэрэгтэй тэмцэх алба