Швейцарь дахь Софеби дуудлага худалдааны газар дэлхийн хамгийн том шар алмаазыг үнэ хаялцуулан худалдах гэж байна. Sun-Drop нэртэй лийр хэлбэрийн гялалзсан шар алмааз 110 карат жинтэй аж. Энэхүү үнэт чулуу маш өндөр үнэтэй бөгөөд мэргэжилтнүүд 11-15 сая америк долларын үнэд хүрнэ гэж тооцоолжээ.
Харин Софеби дуудлага худалдааны газрын дарга Дэвид Беннет хэлэхдээ "Өнгөрсөн оны энэ үед Женевт бид нэг алмаазыг 46 сая доллараар зарж байсан, маш чухал, ховор өнгөтэй алмаазыг худалдан авах сонирхолтой хүмүүс байдаг, энэ бол тэдгээр ховор алмаазуудын нэг" гэсэн байна.
Sun-Drop нэртэй алмаазыг өнгөрсөн онд Өмнөд Африкаас илрүүлжээ. 100 каратаас илүү жинэй алмааз маш ховор бөгөөд шар өнгө нь үнэт чулууг бүр онцгой болгож байгаа юм.
Энэхүү алмаазны эзэн энэ сарын 15-нд зохиогдох дуудлага худалдаан дээр тодорно.
Э.АМАР