Канадын тэргүүлэгч худал­дааны банк, уул уурхайн сал­барын тэргүүлэгч хөрөнгө оруу­лагч “Форбес энд Манхаттен”-ны үүсгэн байгуулагч ноён Стан Барти энэ долоо хоногт Мон­гол Улсад зочилж байна. Тэр­бээр аяллынхаа хугацаанд Мон­гол Улсын Ерөнхий сайд С.Бат­болд­той уулзах бөгөөд Монголын уул уурхайн компаниудыг дэл­хийн хөрөнгийн зах зээл дээр хувьцаагаа гаргах замаар хүчир­хэг болгоход нь туслах гүүр болохыг хүсч байгаагаа илэрхийлж байгаа юм.
«Форбес энд Манхаттен» кор­порацийн бүрэлдэхүүнд үндсэн хөрөнгө бүхий 40 гаруй компани нийт 29 оронд үйл ажиллагаа явуулж байна. Канадын Торонто хотод толгой компани нь байр­ладаг бөгөөд дэлхий дамнан тарх­сан салбар оффисууд, үл хөдлөх хөрөнгүүдтэй «Форбес энд Ман­хаттен» корпорац нь ашигт малт­малын салбарт тэргүүлэгч бай­гууллага бөгөөд шинэ тулгар бо­лон хөгжиж буй компаниудад хөрөн­гийн зах зээлийн мэргэж­лийн үйлчилгээ, санхүү, хөрөнгө оруулалт, маркетинг, менеж­мент, текникийн өндөр түвшний туслалцаа дэмжлэг үзүүлэх замаар асар өндөр санхүүгийн амжилт авчирдаг туршлагатай.
Чансаатай хөрөнгийг илрүүлж, хөрөнгийн зах зээлд амжилттай гаргадаг нь «Форбес энд Манхат­тен»-ы онцлог. «Форбес энд Ман­хаттен»-ы үндсэн гол хүчин чадал нь корпорацийн 200 гаруй тех­ник, санхүү, хууль, маркетингийн мэр­гэжилтнүүд болон арын албаны чадварлаг дэмжлэгээс бүрдсэн хүчирхэг багт оршино. «Форбес энд Манхаттен»-ы амжилтын бас нэг нууц нь геополитикийн рискийг амжилттай тооцоолж, дэлхийн хэм­жээний олон улсын зөвлөлийн баг бүрдүүлэн ажилладаг. «Форбес энд Манхаттен»-д TSX, TSX-v, ASX, JSE болон BVL жагсаалтад орсон 30 гаруй компаниуд багтдаг.
Ноён Стан Барти байгалийн баялгийн ашиглалтын салбарт чад­варлаг менежмент, техникийн туслалцаа, чанартай хөрөнгө оруу­лалт хийх замаар асар их амжилтад хүрсэн алсын хараатай бизнесмен. Түүний үүсгэн байгуулж удирдаж буй компани нь сард дунджаар 100 сая гаруй долларын хөрөнгө оруулалт хийж байдаг бөгөөд түүний тусламжтайгаар өнгөрсөн 4 жилийн туршид нийт 5 тэр бум гаруй долларын хөрөнгийг амжилттай босгосон юм.