"Хүүхдээ сонсох өдөр"-т төгсөх ангийн сурагчдыг урьж ярилцлаа

Өмнөговь аймгийн Засаг дарга Р.Сэддорж "Хүүхдээ сонсох өдөр"-т төгсөх ангийн сурагчдыг урьж ярилцлаа. Аймгийн Засаг даргын А/185 дугаар захирамжаар сар бүрийн нэгний өдрийг "Хүүхдээ сонсох өдөр" болгож онцолсон. Өнөөдөр анхны уулзалтаа хийж, ЕБС-ийн төгсөх анги буюу 12 дугаар ангийн сурагчдын төлөөллийг урьж, цаг үеийн асуудлаар мэдээлэл өгч, тэдний сонирхсон асуултад хариуллаа.

Зочин сурагчид дараах асуудлыг онцолж байна.

Нийтийн тээврийн хүртээмжийг нэмэгдүүлэх
Монгол ёс заншил, өв уламжлалын талаар хүүхдүүдийн мэдлэгийг сайжруулах
Сургуулиудыг сэтгэл зүйчтэй болгох
Үдийн цай хөтөлбөрийн чанарт анхаарах
Орон нутгийн тэтгэлэгт хөтөлбөрт хамрагдах боломж, мэдээлэл нэмэгдүүлэх
Их, дээд сургуулийн салбар сургуулийг аймагтаа байгуулж, заавал Улаанбаатар явах шаардлагагүй аймаг орон нутагтаа боловсрол эзэмшиж өөрийгөө хөгжүүлэх боломжийг бий болгох
Төгсөх ангийн сурагчдын ЭЕШ-ийн бэлтгэлийг тасралтгүй, танхимаар сайн зохион байгуулах
Мэргэжил сонголтод анхаарах, сайн мэдээлэл мэдлэгээр хангах
Гадаад хэл сурах боломжуудыг нэмэгдүүлэх, таатай орчныг бий болгох
Боловсролын салбарт дэд хөтөлбөрүүдийг илүү үр өгөөжтэй, нарийн төлөвлөлт, зохион байгуулалттай хэрэгжүүлэх зэрэг саналуудыг онцолж байна.

Сар бүрийн нэгний өдөр сурагч хүүхдүүдтэй аймгийн удирдлагууд уулзаж тэдний оролцоог нэмэгдүүлж, тулгамдсан асуудлыг шийдвэрлэн ажиллах юм.

"Хүүхдээ сонсох өдөр"-т төгсөх ангийн сурагчдыг урьж ярилцлаа

Санал болгох

Нийслэлийн 2025 оны төсвийн төсл...

Дарь-Эх, Ганц худгийн ам орчимд ...

Төрийн албан хаагчийн ёс зүйн су...