logo
ХААДС-аас 15 тэрбум төгрөгтэй тэнцэх хэмжээний дэмжлэг олголоо

ХААДС-аас 15 тэрбум төгрөгтэй тэнцэх хэмжээний дэмжлэг олголоо

2021/05/28
Хөдөө аж ахуйг дэмжих сангаас жил бүр тариаланчдадаа зориулж үрийн улаанбуудай, шатахуун, бордоо, техник тоног төхөөрөмжийг хөнгөлөлттэй нөхцлөөр олгож, тариалалтын ажлыг үр дүнтэй зохион байгуулахад дэмжлэг үзүүлдэг. Өнөөдрийн байдлаар давхардсан тоогоор 478 иргэн, аж ахуй нэгжийн хүсэлтийг шийдвэрлэн 15,1 тэрбум төгрөгийн үнэ бүхий дэмжлэгийг олголоо.

Давхардсан тоогоор 339 иргэн, аж ахуй нэгжид 14 тэрбум төгрөгийн 11 мянган тонн үрийн улаанбуудайн дэмжлэг үзүүллээ. Үүнээс 177 аж ахуй нэгжид 3,7 тэрбум төгрөгийн үнэ бүхий 4,064 тонн дотоодын үрийн буудай, 162 иргэн аж ахуй нэгжид 10,7 тэрбум төгрөгийн үнэ бүхий 7,398 тонн импортын үрийн буудай олгосон байна.

Мөн давхардсан тоогоор 95 иргэн, аж ахуй нэгжид 499,7 сая төгрөгийн 248,420 литр шатахуун, 27 иргэн, аж ахуй нэгжид 126 сая төгрөгийн үнэ бүхий 20,525 тонн бордооны дэмжлэг олголоо.
Эх сурвалж: ХХААХҮЯ

Сэтгэгдэлүүд

Дээш