Чингэлтэй дvvр­гийн шvvхэд өглөө 09 цагт эхэл­сэн хурал 15:30 цаг хvр­тэл vргэлжилсэн юм. Шvvх хуралд улсын ял­лаг­чаар С.Хишигжаргал, шvvг­чээр Ц.Буяннэмэх нар оролцов. Яллагдагч Д.Энхээ нь өн­гөрсөн зугаадугаар сарын 29-30-нд шилжих шөнө Чингэлтэй дvvргийн 19 дvгээр хорооны Тахилтад хадам ээжийгээ хөнөөж, эхнэр хvvх­дээ барьцаалан, хадам аав, эмэг эх, эхнэрийнхээ дvv нарыг гэмтээсэн билээ.

Хэр­гийн газар хөдөлгөөнт эр­гvvлийнхэн очиход Д.Энхээ нь хадам эх 45 настай Б-ийн амийг хөнөөж, хадам эцэг Б, тvvний хvv Ц, эмэг эх 85 настай Б нарыг мэсээр хvнд, хөнгөн гэмтээсэн. Тvvгээр ч зогсохгvй эхнэр, дөрвөн нас­тай охин, эхнэрийнхээ дvvг барьцаалж, аминд нь занал­хийлсэн байдалтай бай­жээ.

Мөн цагдаа нараас сумтай буу, машин шаардсан аж. Ха­рин улсын Мөрдөн байцаах газар, Эрvvгийн цагдаагийн газрын Тусгай ангийн хоёр­дугаар тасгийн алба хаагчид шуурхай ажилласны vр дvнд, барьцаалагдсан хvмvvсийг суллаж, Д.Энхээг барив­чил­сан юм.

Д.Энхээ цагдаагийнханд саатуулагдсаныхаа дараа мэдvvлэг өгөхдөө “Гэр бvлийн таарамжгvй харил­цаа­наас болсон. Эхнэртэйгээ уул­зах гэсэн боловч хадам ээж уулзуулаагvй. Тиймээс дээрх хэргийг vйлдсэн” хэмээн хэргээ хvлээсэн аж.

Ч.Бямбадулам
Эх сурвалж: “Өглөөний сонин”