logo
Малайз, Тайландын бизнесийн төлөөлөгчид мах экспортлох санал тавилаа

Малайз, Тайландын бизнесийн төлөөлөгчид мах экспортлох санал тавилаа

2022/06/17

Өнгөрсөн хоёр жилийн хугацаанд бид “Ковид-19” цар тахлын нөлөөгөөр амаргүй цаг хугацаа, сорилтуудтай тулгарсан. Дэлхий нийтээр цар тахлын нөхцөлөөс үүдэлтэй сургамж авсан нь ард иргэдээ эрүүл аюулгүй хүнсээр бие даан, тогтвортой хангах чадамжтай байх юм. Үүний тулд дотоодын үйлдвэрлэлээ хөгжүүлэн, хөдөө аж ахуйн салбарыг оновчтой бодлогоор дэмжин, хөрөнгө оруулалт хийхийн ач холбогдлыг улам илүү ойлгоцгоосон.

Яг ийм цаг үед Тайланд, Малайзын бизнесийн төлөөллийг хүлээн авч уулзлаа. Зочид манай мал аж ахуй, махны экспортын салбарт хамтран ажиллах хүсэлтэйгээ илэрхийллээ.

Бидний зүгээс мах бэлтгэл, боловсруулах үйлдвэрлэл, экспортын чиглэлд баримтлах бодлогоо танилцууллаа.

Дээрх салбарт хувийн хэвшлийн аж ахуйн нэгжтэй хамтран ажиллах, ямар боломж байгааг дурдаж, мал аж ахуйн салбарт түүхий эдийн хангалттай нөөцтэй учраас бид энэхүү нөөцийг эдийн засгийн эргэлтэд оруулахад бусад улс орнуудтай өргөн хүрээнд хамтран ажиллах боломжтойг хэллээ гэж ХХААХҮ-ийн сайд З.Мэндсайхан мэдээллээ. 

Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUUM.MN сайтын редакц
Дээш