Дэлхий нийтийн хамгийн их сонирхон үздэг спорт бол яахын аргагүй хөлбөмбөг. Манайд ч сүүлийн жилүүдэд хөлбөмбөгийн спорт хөгжиж байгаа нь тэмцээнүүдэд оролцох багуудын тоо, тэдний ур чадвар харуулж байгаа. Тэгвэл шинэ оны босгон дээр монголын хөлбөмбөгийн түүхэнд нэгэн тэмдэглэлт  үйл явдал болжээ.Тодруулбал, дэлхийн спортын хамгийн нөлөө бүхий байгууллага болох Олон улсын хөлбөмбөгийн холбоо “FIFA”-д монголчууд данстай болжээ. Өөрөөр хэлбэл Монголын хөлбөмбөгийн холбооны шүүгч Д.Түмэнбаяр, Б.Хаш-Эрдэнэ, Ч.Жавхлантөгс нар “FIFA”-гийн албан ёсны шүүгч болсон байна.