УБЕГ-аас дипломат паспортуудыг олон улсын стандартад нийцүүлэхийн тулд шинэчлэн, нууцлалтай болгож байна. Шинэ паспортод тухайн хүний хурууны хээ, ургийн овог зэргийг нэмж оруулснаараа онцлогтой. Ингэснээр дугаар, нууцлалын үзүүлэлтээрээ олон улсын шаардлагыг хангах аж.  Тухайлбал, гадаадад удаан байх хугацаандаа паспорт дээрх мэдээллийг орчуулуулах, шаардлагатай үед ургийн овог байдаггүй зэрэг нь иргэний үнэмлэхтэйгээ зөрчилдсөн гэж үздэг байна. Гэхдээ нууцлалтай хэсгийг очсон улс орон бүртээ уншуулж шалгуулах шаардлагагүй гэнэ. Нууцлалтай паспортоо одоо ашиглаж байгаатайгаа хамт хэрэглэж болох бөгөөд аажимдаа нэг мөр солих юм байна. Харин дипломат паспортын үнэ өмнөхөөсөө бага зэрэг нэмэгджээ. Ирэх жилээс Е серийн паспортыг ч нууцлалтай болгох аж.

Д.Тэлмэн
Эх сурвалж: "Монголын үнэн" сонин