Дээд боловсролын санхүүжилт, суралцагчдын нийгмийн баталгааны тухай хууль хэрэгжиж эхлэн их, дээд сургуулиудын өдрийн ангийн оюутнуудын эрүүл мэндийн даатгалыг төр хариуцдаг боллоо.
Боловсрол, соёл, шинжлэх ухааны яамнаас гаргасан тоогоор нийт 155.7 мянган оюутан, суралцагч эрүүл мэндийн даатгалаа төрөөр даалгах нь.
Харин дээд боловсролын сургалтын байгууллага (их, дээд сургууль, коллеж)-ын өдрийн ангиас бусад хэлбэрээр тухайлбал, эчнээ, магистрийн түвшинд суралцаж байгаа оюутнууд, түүнчлэн Мэргэжлийн сургалт, үйлдвэрлэлийн төвийн суралцагчид Засгийн газрын 2011 оны 328 дугаар тогтоолоор баталсан хэмжээгээр буюу сард 670, жилд 8040 төгрөгөөр тооцон эрүүл мэндийн даатгалын шимтгэлээ өөрөө хариуцан төлөх юм байна.