-Та яагаад хүмүүсийг хү­лээн авч, үзэхээ боль­чи­хов?
-Яагаад гэвэл үүгээр мөн­гө олох хэцүү. Гэтэл би гэр бүлээ тэжээх ёстой шүү дээ. Тэгээд ч одоо дал­дыг харагч, зөнбилэгчид ол­шир­чээ. Гэвч ихэнх нь хуурамч. Ха­рин би тэдний нэг гэг­дэ­хийг хүсэхгүй байна. Ер нь зөнбилэгч, анагаагч гэдэг бол хариу талархалгүй мэргэжил. Хүмүүс зөнбилэгчдээс их юм хүлээдэг. Шидтэн ирээд шидэт саваагаар дохиод бүх юм зүгээр болно гэж найд­даг. Гэвч үнэндээ хувь хүн өөрөө хүчин чармайлт гар­гах­гүй бол амьдрал нь өөрч­лөг­дөхгүй гэдгийг тэд ойлгодоггүй. Иймээс тэ­дэнд дахиад асуудал үүсч, ул­маар тусалсан зөнбилэгчийг буруут­га­даг.
-Ноён Мехди та хүүхэд нас­ныхаа талаар ярина уу?
-Би Тегеранд төрсөн. Гар­ван ах, хоёр эгчтэй. Эцэг маань голдуу бизнес хийдэг ч бас сэтгэлзүйч, гүн ухаантан хүн байлаа. Ээж маань турк хүн. Харамсалтай нь нас бар­чихсан. Ээж маань аавд маш их хайртай учраас перс хэ­лийг төрөлх хэл шигээ сурсан гэдэг. Хэрэв ээж маань эсэн мэнд байсан бол  на­даар бахархах байсан даа. Энэ чинь нэг ёсондоо түүний л ам­жилт. Би насан туршдаа ээждээ талархаж явдаг.
-Далдын чадвараа яаж нээсэн бэ?
-Намайг 6-7 настай бай­хад манайд зочид ирээд яв­сан юм. Тэднийг явсны да­раа миний бие муудахад ээж намайг хүмүүсийн сөрөг энер­гийг аваад оронд нь эерэг энер­гийг бэлэглэдэг гэдгийг ойлгосон гэдэг. Дараа нь би хий юм үзэж эхэлсэн. Яг хэ­зээ гэдгийг сайн санахгүй бай­на. Нэг л сайхан мөчид би ой­рын хугацаанд болох үйл явд­лыг урьдаас зөгнөн харж чад­дагаа ойлгосон. Намайг зүүдэндээ ярьж байхад эцэг эх маань сандарч түгшдэг байв. Харин дараа нь би бя­сал­гаж сурснаар хүний бодол санааг уншдаг болсон юм.
-Та яаж яваад Орос оронд ир­сэн бэ?
-Ээж маань намайг эмч болоосой гэж мөрөөддөг бай­сан. Би Орос оронд ирээд Сеченовын нэрэмжит Моск­­вагийн анагаах ухаа­ны ака­демид дотрын эм­чийн ангид элсэн орсон. Дараа нь шүдний эмчийн сургуульд сурахын зэрэгцээ сэт­гэл зүйчийн боловсрол эзэмш­сэн юм. Одоо би гурван мэргэ­жил­тэй. Харин дараа нь “Зөн билгийн тулаан 3”-д орол­цож ялсан юм. Би Орос оронд 16 жил амьдарч байна. Орос эхнэртэй.
-Саяхан таны “Амьдра­лын чавхдас. 10 практик зөв­лөгөө” ном гарлаа. Номын­хоо талаар ярьж өг­нө үү?
-Энэ номдоо би өөрийн намтрыг бичсэн. Хүүхэд нас, өсвөр үе, бурх­наас заяасан хишгийн талаар ч өгүүлсэн юм. Номондоо хамаг сэтгэл зүрхээ уудалсан гэхэд болно. Бичихэд их хүнд бай­сан. Яагаад гэвэл чөлөөт цаг бага байсан учраас шөнийн ца­гаар бичсээр дуусгасан даа.
-10 практик зөвлөгөө гэж юу вэ?
-Хүний биеийн 80 хувь уснаас бүтдэг, мөн усыг эе­рэг, сөрөг энергиэр цэнэг­лэ­дэг гэдгийг хүмүүс мэднэ. Но­мондоо өөрийн биед байгаа усыг хэрхэн, яаж цэнэглэж, улмаар амьдралын сөрөг үеэс зайлсхийж болох талаар өгүүлсэн юм.
-Та одоо ямар ажил хийж байна?
-Одоо би сэтгэлзүйчээр ажил­ладаг. Би ажилдаа дур­тай учраас аль болох сайн хий­хийг хичээдэг. Ажилгүй сууж чаддаггүй юм. Миний до­тоод дуу хоолой надад үргэлж юу хийхийг заадаг.
-Хүмүүст энэ талаар зөв­лөөч?
-Дотоод дуу хоолойгоо сон­сохын тулд толины өм­нө зогс. Тэгээд нүдээ аниад өөрөөсөө “Ийм ажил хийх хэрэг байна уу?” гэж асуу. Дараа нь нүдээ нээгээд толинд туссан дүрсээ хар. Хэрэв та анхаарлаа төвлөрүүлбэл ямар замаар явбал зөв гэдгийг, юу хийх ёстойгоо мэдэрнэ. Энэ аргыг заяаны ханиа олохдоо ч бас хэрэглэж болно. Олон хүн сонголт хийхдээ алдаж, үүнээсээ болж их шаналдаг.
-Та уран зураг их шо­хоорх­дог юм аа?
-Би уран зурагт их дуртай. Ялангуяа Сальвадор Далийн уран бүтээлд. Түүний зургууд үнэхээр гайхамшиг. Харин би тосон будгаар зурдаг. Ихэн­хийг нь нүдээ аньж зур­даг юм. Надад үзэгдсэн хий юмс, үзэгдлийг зурах гэж би байнга оролддог. За­рим зургаа зардаг, харин өөрт маш их таалагдсаныг хэнд ч өгч чадахгүй. Хоёр зур­гаа оффист өлгөөд байнга ха­рах дуртай. Эдгээр зураг анхаар­лаа төвлөрүүлж, мэдрэлээ тайвш­руулахад минь тусал­даг.
-2012 онд ертөнцийн төгс­гөл ирнэ гэдэг. Энэ талаар юу хэлэх вэ?
-Хорвоогийн сүйрэл то­хиох эсэхийг би хэлж мэдэх­гүй. Иймээс юу ч хүлээх хэ­­­рэггүй. Хүмүүс бүхий л амьд­­ралаа хоосон хүлээлтээр өн­­г­ө­рөөж, амьдарч чаддаг­гүй. Зүгээр л өдөр бүрийг амьд явах эцсийн өдөр мэт санаж, сайн сайхан үйл­сийг ча­дах чинээгээрээ хий­­­­хийг эр­мэлзвэл зохино. Тэг­­­вэл ер­төн­цийн төгсгөл ирэх­­­г­үй.

Эх сурвалж:
"Өглөөний сонин"