Мягмар гаригт Английн ханхүү Чарльз зохиолч Чарльз Дикенсийн мэндэлсний 200 жилийн ойн арга хэмжээнд оролцлоо. Тэрээр Westminster Abbey сүмд хүрэлцэн ирж, Английн нийгэм дэх шударга бус байдлыг  зохиолоо бүтээлээрээ дамжуулан шүүмжилдэг байсан Дикенсийн  дурсгалын хөшөөнд цэцэг өргөсөн байна. Энэ арга хэмжээнд Дикенсийн удмын 200 гаруй хүн оролцжээ. 
Тэгвэл хоёрдугаар Элизабет Английн хатан хаанаар өргөмжлөгдсөний 60 жилийн ойг тохиолдуулан ирэх зургадугаар сарын дөрвөнд Бугкингемийн ордны өмнө зохиогдох тоглолтонд зарим алдартай поп одууд оролцохоор болжээ. Пол Макартни, Элтон Жон нар энэ концэртод оролцох нь тодорхой болсон байна. Зохион байгуулагчдын мэдээлснээр бусад алдартай одууд ч тоглолтон дээр ая дуугаа өргөх гэнэ.
Э.АМАР