Монгол үндэсний урлагт хувь нэмэр оруулж байгаа «Домогт», «Хөсөгтөн”, “Алтан ураг”, “Арга билэг”, “Жонон” эдгээр хамтлагийн залуус хамтран энэ сарын 18, 19-нд тоглолт хийхээр болжээ.

Энэ тоглолтыг Монгол Улсын Ерөнхийлөгчийн ивээл дор зохион байгуулж байгаа бөгөөд, зохион байгуулагчаар нь Төрийн шагналт, жүжигчин Д.Сосорбарам ажиллаж байна. Дашрамд сонирхуулахад хамтлаг тус бүр өөр өөрийн гэсэн онцлог шинжээ харуулсан уран бүтээлүүдээ ирсэн үзэгчиддээ толилуулах ажээ.

Тоглолтын гол зорилго нь монголын ардын урлагийн  шинэчлэл, уламжлалт өв соёлын гайхамшигт хөөмэй, морин хуурыг ямар түвшинд хүртэл хөгжиж байгааг таниулж, суртачлах юм байна.

Тухайлбал “Алтан ураг” хамтлаг рок, “Арга билэг” хамтлаг этно жааз стилиэр тоглох бол “Хөсөгтөн” хамтлаг хөөмэйд тулгуурлан, “Жонон” хамтлаг орчин үеийн поп стилиэр дагнаж, “Домог” хамтлаг ардын уламжлалт аялгууг орчин үеийн модерн, шинэ хөгжмийн стильд оруулж тоглох гэнэ.