Флорида мужийн Сарасота хотод нэгэн этгээд банкны кассчид руу буу тулган банк дээрэмдэх гэж оролджээ. Банкаар үйлчлүүлж байсан гавьяаныхаа амралтанд гарсан Нэгдсэн улсын армийн түрүүч Эдди Пийплс 2  бага насны хүүхдээ сандал дор оруулан 2 буйдангаар халхалж аюулгүй болгож байгаад, дээрэмчинтэй ярилцаж, түүнийг банкнаас гаргаж чаджээ. Эдди дараа нь гэмт этгээдийг араас нь машинаараа сэм дагаж байгаад барьж аван цагдаа нарт хүлээлгэн өгчээ. Эдди Пийплсийг Сарасота хотын цагдаагийн байгууллагаас шагнасан байна. Эдди хэлэхдээ “Би зөв юм хийсэн гэж бодож байна. Хэн нэгэн гэмт этгээдээс болж, иргэд хохирох ёсгүй” гэсэн байна. Айва мужид байдаг олон жилийн настай нэгэн хуучин байшин гэнэт газар шигдэн оржээ. Албаны хүмүүсийн мэдэгдэж байгаагаар сүүлийн үед тасралтгүй орсон их хэмжээний бороо газрын хөрсийг  хэт зөөлрүүлсэн байж магадгүй юм байна. Мөн байшингийн суурь хуучирч муудсан байсан байна. Байшин доош шигдэж нурахад гэрийн эзэн байшин дотроо байжээ.