Татварын ерөнхий газраас “Далд эдийн засгийг ил болгох, эдийн засгийн гэмт хэрэгтэй тэмцэх нь” сэдэвт зөвлөгөөнийг төр, хувийн хэвшлийн төлөөллийг оролцуулан зохион байгуулах гэж байна.
Энэ үеэр далд эдийн засаг, түүнийг тооцох арга зам, Монгол Улсын макро эдийн засгийн байдалд далд эдийн засгийн үзүүлэх нөлөө, эдийн засгийн алуурчин гэж хэн бэ, далд эдийн засаг ба санхүүгийн салбар дахь хүндрэлүүд зэрэг сонирхолтой олон сэдвээр ярилцаж хэлэлцүүлэг өрнүүлэх аж.
Энэ сарын 29-нд болох зөвлөгөөнд СЯ, ХЗДХЯ, Үндэсний статистикийн хороо, Санхүүгийн зохицуулах хороо, Хууль зүйн үндэсний хүрээлэн, Шүүхийн шинжилгээний үндэсний хүрээлэн зэрэг олон байгууллагын төлөөлөгчид, эрдэмтэн, судлаачид оролцоно.
