Хуучнаар ЗХУ-ын бүтээсэн 1960-аад оны хиймэл дагуул сансрын хаягдал болсон төдийгүй Монголын нутагт, тэр дундаа Говь-Алтайд унах тухай яриа гарсаар хэд хоносон. Манай холбогдох газрууд тэгтэл ач холбогдол өгсөнгүй юү, тодорхой мэдээлэл хийлгүй өнөө хүрсэн билээ. Зарим эх сурвалжийн мэдээлж байгаагаар сансрын хаягдал өнөөдөр газардах ёстой. Хувийн жин нь 2,5 тн гэхээр хөөрхөн хүнд эд байгаа биз?
Угтаа бол аюултайн ангилалд багтах ёстой эд юм. Далай, тэнгистэй оронд цунами үүсгэхээр, ой модтой газар түймэр гаргахаар биет гэсэн үг. Асар хурдтай ирж яваа гэх тэр биет манай нутагт унах аваас наанадаж газар хөдөлнө. Тэгэхээр тийм ч гайгүй зүйл биш ажээ. Газар хөдлөхийг юман чинээ санадаггүй болохоор манайхан нэг их санаа зовохгүй байх шиг байна. Эз нь таарахгүй бол малчин айл, мал сүрэг дээр унахгүй байж болох л юм. Аль эсвэл цаг нь болоогүй юм болов уу? Хиймэл дагуул хаачив аа?
Г.Насан (www.wikimon.mn)
