Монгол Улсын Сонгуулийн Ерөнхий хороо өчигдөр хуралдаж Улсын Их Хурлын сонгуулийн тухай хуулийг хэрэгжүүлэх, сонгуулийн бэлтгэл ажлыг хангахтай холбоотой зарим журам, тогтоолын төслүүдийг  хэлэлцлээ. Сонгуулийн автоматжуулсан системийн мэдээллийн санг бүрдүүлэх, мэдээлэл шилжүүлэх, хувилах, хадгалах, лавлагаа олгох журмын төслөөс гадна  сонгуулийн хороодын хуралдааны үлгэрчилсэн дэгийг баталж сонгууль товлон зарлах, сонгуулийн зардлын хэмжээг тогтоох зэрэг асуудлаар  санал солилцов гэж СЕХ-ны хэвлэлийн төлөөлөгч мэдээлэв.