Жонни Депп рок од болон хувирчээ. 48 настай жүжигчин өнгөрөгч лхагва гаригт Лос Анжелес хотын Нокиа клубт Револвер сэтүүлийн Golden Gods шагнал гардуулах ёслолд зориулсан тоглолтын үеэр рок од Мэрилин Мэнсонтой хамт тайзан дээр гарч гитар тоглосон байна. Депп хүмүүст танигдахгүйг хичээсэн ч үзэгчид түүнийг тайзан дээр гарч ирснийг удахгүй анзаарчээ. Тэрээр хар ковбой малгай, түрийтэй гутал өмссөн байна.
Жүжигчин Депп Pearl Jam, Oasis болон Alice Cooper зэрэг туршлагатай рокеруудтай хамтран ажиллаж байжээ. Мөн тэрээр Butthole Surfers, Red Hot Chili Peppers болонd the Sex Pistols хамтлагийн гишүүдтэй хамтран "P" нэртэй хамтлагийг байгуулсан байна.
Жон Кристофер Депп 1963 оны зургадугаар сарын 9-нд төржээ. Тэрээр Алтан бөмбөрцөг болон Screen Actors Guild наадмын Шилдэг эрэгтэй жүжигчин шагналын эзэн бөгөөд анх 1980-аад онд  "21 Jump Street" цувралаараа тухайн үеийн хүүхдүүдийн  шүтээн болж байсан байна. Үлгэрийн болон хүүрнэлт зохиолоор сэдэвлэн бүтээгдсэн Хайчин гарт Эдвард, Нойрмог агуй (1999), Карибын тэнгисийн дээрэмчид цуврал (2003-одоо), Чарли хүү ба шоколадны үйлдвэр (2005), Алис гайхамшигийн оронд (2010) болон Ранго (2011) зэрэг кинонуудад гол дүрүүдийг чадварлаг бүтээсэн Деппийн хамтрагч нь найруулагч Тим Бөртон юм.
Э.АМАР