Аргентины хөл бөмбөгийн "Барселона" клубын довтлогч Лионель Месси нэг улиралд эсрэг багийн хаалганд 68 бөмбөг оруулсан Европын анхны тоглогч боллоо.
    Испанийн "Барселона" болон "Малага" багийн хооронд болсон тоглолтын үеэр алдарт хөл бөмбөгчин дээд амжилт тогтоожээ. Энэ тоглолтын үеэр тэрбээр эсрэг багийн хаалганд гурван бөмбөг оруулснаар түүний баг 4:1 оноогоор хожсон байна.
    Тоглолтын 59 дэх минутад хоёр дахь гоолоо оруулахдаа Месси домогт Герд Мюллерын амжилтыг давтжээ. Герд Мюллер 1972-1973 онд Мюнхены "Бавари"-д тоглож байхдаа өрсөлдөгч багийн хаалганд 67 дахь бөмбөгийг оруулсан байна. Таван минутын дараа Аргентины хөл бөмбөгчин "Малага" -гийн хаалгач Карлос Камений хаалганд гурав дахь гоолоо оруулснаар Германы хөл бөмбөгчний амжилтыг эвджээ.
З.Амгалан
МОНЦАМЭ