Монгол Улсын Засгийн газар  ард түмэндээ тайлангаа тавьж байна. ”Ардын Засаг-Ард түмэнтэйгээ хамт” аяны хүрээнд бүх яамдын нээлттэй өдөрлөгийг  энэ  сарын 11-ы баасан гаригийн 13  цагт Д.Сүхбаатарын талбайд зохион байгуулах гэж байна.  Иргэнд энэхүү өдөрлөгөөс бүх төрлийн лавлагааны захиалга өгч болох бөгөөд орон сууцны хөтөлбөр, иргэний үнэмлэх, цалин хөлс, тэтгэвэр тэтгэмж, ажлын байр, гадаадад байгаа иргэдийнхээ тухай болон Монгол Улсын Засгийн газраас авч хэрэгжүүлж буй олон арга хэмжээний тухай мэдээллийг нэг цэгээс хүлээн авч болох юм.