Холливудын алдарт жүжигчин Брюс Уиллисийн саяхан мэндэлсэн охиных нь зураг нийтлэгджээ. Түүний гэр бүлийнхэн Унгарын нийслэл Будапешт хотод амралтаа өнгөрүүлсэн байна. Брюс Уиллис охиндоо Мабель Рэй хэмээх нэр хайрлажээ. 57 настай жүжигчин “Твиттер” хуудсандаа “Будапештын нэгэн гайхалтай өдөр хайртай хүнтэйгээ. Аав ба Мабелийн хайр” гэж бичжээ.Брюс Уиллис 2009 онд жүжигчин, загвар өмсөгч Эмма Хэмингтэй гэрлэсэн юм. Тэрбээр өнгөрсөн сарын 1-нд нярайлж хосууд охинтой болсон. Брюс Уиллис 1987 онд жүжигчин Дэми Муртай гэрлэж, гурван охинтой болсон юм. Гэвч хосууд 2000 оны аравдугаар сард хоёр тийш болжээ.