Британийн нийслэлд болох зуны олимпийн наадмыг түүхэнд анх удаа интернэтээр бүрэн хэмжээгээр шууд дамжуулан үзүүлнэ гэж Би-Би-Си мэдээллээ. Долдугаар сарын 27-ноос наймдугаар сарын 12-ны хооронд болох спортын наадмыг шууд дамжуулах эрхийг Би-Би-Си авсан байна.
Лондоны олимпийг анх удаа тоон системээр үзэгч, хөгжөөн дэмжигчдэд үзүүлэх гэж байгаа нь телевизийн салбарт интернэт технологийн дэвшил гарсны нотолгоо юм гэж тус телевизийн танин мэдэхүйн редакцийн дарга Фил Фирнли мэдэгджээ. "Үзэгчид нэг ч хормыг алдалгүй бүх уралдаан тэмцээнийг үзнэ" гэж тэрбээр мэдэгдсэн байна.
Олимпийн наадмыг нийт 2500 цаг шууд дамжуулан үзүүлэх аж. Тэмцээнүүдийг персонал болон планшет компьютерын дэлгэцээр, смартфон болон дэлхийн сүлжээ шууд ордог зурагтаар үзэх боломжтой.
Гэхпээ интернэт шууд нэвтрүүлгийг зөвхөн Их Британийн нутаг дэвсгэрт л үзэх аж. Зохиогчийн эрхтэй холбоотой хязгаарлалтын улмаас хилийн чанадын үзэгчид тийм нэвтрүүлгийг үзэх боломжгүй.
  Тэмцээнийг Би-Би-Си-гийн нэг болон гуравдугаар сувгаар дамжуулан үзүүлнэ. Тэрчлэн Би-Би-Си-гийн радиогийн гурван суваг буюу мэдээний тавдугаар, спортын тавдугаар суваг болон олимпийн түр сувгаар дамжуулна.

З.Амгалан
Эх сурвалж: "Монцамэ"