Марвелын цувралын “The Avengers”буюу “Хамгаалагчид” кино нээлтээ хийснээсээ хойш олон зуун сая доллрын орлого олж, шуугиан тараад байгаа билээ. Гэхдээ киноны супер баатруудын дүрийг бүтээсэн зургаан алдартнаас хамгийн ихээр онцгойрч байгаа нь Төмөр хүн киногоороо олонд танигдсан Роберт Дауни Жүниор юм. Бусад баатруудаасаа илүү хурдан эсвэл илүү хүчтэй гэдгээрээ биш, харин энэ кинонд дүр бүтээхдээ олсон орлогоороо тэрээр ялгарч байна. Бусад одууд Хамгаалагчид кинонд тоглосныхоо хөлсөнд 2-3 сая доллар авч байгаа бол Роберт 50 сая доллар авч магадгүй тухай мэдээлэл гарчээ.
Э.АМАР