Н.Энхбаярыг шүүх хурал өнөөдөр Сүхбаатар дүүргийн шүүх эд эхэлсэн ч шүүгдэгч эрүүл мэндийн байдлаас болж шүүх хуралд ирээгүй гэсэн шалтгаанаар зургадугаар сарын 4-ний өдрийг хүртэл хойшилсон. Харин энэхүү шүүх хурлыг сурвалжлахаар олон улсын BBC, NHK болон Францын хэвлэл мэдээллийн ажилтнууд ирсэн байна.
МАХН-ын дарга Н.Энхбаярыг баривчилсаны дараа гадаадын хэвлэлээр янз бүрийн мэдээлэл цацагдаж байсан. Тиймээс гадны хэвлэл мэдээллийнхэн шүүх хурлыг газар дээрээс нь сурвалжлахаар ирсэн нь энэ аж. Түүнчлэн Н. Энхбаярын хүү Э. Батшугараас ВВС агентлагийн сэтгүүлч ярилцлага авсан байна. Тэрбээр яриан дундаа аавынхаа эрүүл мэндийн байдалд санаа зовж байгаагаа илэрхийлээд аавынхаа ийнхүү хоригдох болсон мөн шүүгдэх болсон шалтгааныг хууль бус хэмээн хэлж байсан юм.
