УИХ-ын 2012 оны сонгуульд нэр дэвшигчдийг бүртгэх хугацаа өнөөдрөөр дуусч байна. Тиймээс сонгуульд оролцох намууд өнөөдөр ажлын цагт багтаан нэр дэвшигчдийнхээ нэрсийн жагаалтыг СЕХ-нд өгч, бүртгүүлнэ. МАХН болон ИЗНН, МУНН зэрэг жижиг намууд аль хэдийн бага хурлуудаараа сонгуульд өрсөлдөх хүмүүсээ тодруулсан. Харин улс төрийн том хүчин болох МАН, АН хоёр өчигдөр цаг тулган байж нэр дэвшигчдээ товлолоо. Нэгэнт нэр дэвшигчдийн нэр ил болж байгаа тул удахгүй сонгуулийн сурталчилгааны хугацаа эхэлнэ. Тиймээс намаасаа нэр дэвшиж чадсан хүмүүсийн хувьд одоо шийдвэрлэх үе ирээд байна.
