Солонгост гэрээгээр ажиллаж байгаад 2010 оны нэгдүгээр сараас хойш эх орондоо ирсэн хүмүүсийг Хөдөлмөрийн төв биржийн байранд маргааш, нөгөөдөр хоёр өдрийн турш бүртгэхээр болжээ. 
Гадаадад ажиллах хүч илгээх төв болон БНСУ-ын аж үйлдвэрийн хүний нөөцийн хэрэг эрхлэх газраас хугацаандаа нутаг буцан ирсэн, дахин гэрээгээр ажиллах хүсэлтэй иргэдийг бүртгэлд хамруулж ажлын байраар хангахад анхаарах аж.
Солонгос хэлний түвшин тогтоох тусгай шалгалтыг компьютерт суурилсан тестийн аргаар ирэх сард авах юм байна.

О.Ялгуун 
"Зууны мэдээ" сонин