Болгарын Софи хотод болсон аэробикийн дэлхийн аварга шалгаруулах тэмцээнд оролцсон баг тамирчид түүхэндээ анх удаа хүрэл медаль хүртсэн өндөр амжилт үзүүллээ. Хүрэл медалийн эзэд лхагва гарагт эх орондоо ирлээ.
     Тус тэмцээнд Монгол Улсаас Б.Ерөөлбат дасгалжуулагчтай ШУТИС-ийн оюутнууд аэробикийн стэпийн төрөлд өрсөлдөж, хүрэл медалийн эздээр тодорсон нь Монголын спортын түүхэнд аэробикийн ДАШТ-ээс хүртсэн анхны медаль болж алтан үсгээр бичигдлээ. ДАШТ-ээс хүрэл медаль авсан тамирчдыг Биеийн тамир, спортын газрын удирдлагууд өчигдөр хүлээн авч, баяр хүргэлээ.