Wiley Post нь хамгийн анх дэлхийг ганцаараа тойрсон нисгэгч бөгөөд түүний найз Will Rogers нь алдартай жүжигчин, хошин шогч байжээ. Энэхүү зургийг (Will Rogers малгай зангиатай, онгоцны далавчин дээр зогсож байгаа) тэд Аляскаас хөөрөхийн өмнөхөн буюу 1935 оны 8 сарын 15-д авсан байна. Харин онгоц хөөрсний дараагаар моторонд нь эвдрэл гарч сүйрснээр хоёулаа амь үрэгджээ. Сонирхуулахад энэхүү Аляск дахь онгоцны буудлыг Wiley Post – Will Rogers нарын дурсгалын нисэх буудал хэмээн нэрийддэг байна.

2005 оны 1 сарын 13-д Канадын хос болох John болон Jackie Knill нарын цогцос Тайландын далайн эргийн амралтанд олдсон байна. Тэд бол 2004 оны 12 сарын 26-д болсон аймшигт цунамины мянга мянган хохирогчдын хоёр нь байлаа. Долоо хоногийн дараа нэгэн эр сайн дурын цэвэрлэгээ хийж байгаад эвдэрсэн камер олсон байна. Тэрбээр камерны мемори картан дахь зурагнуудыг үзэхэд John Jackie нарын амралтанд байгаа зургууд болон мөн аварга том давалгаа далайн эргийг хамж байгаа зургууд байсан аж. Зургууд дээр давалгаа улам ойртсоор ойртсоор эргийг бүрхсэн байна. Хамгийн сүүлчийн зургаа (дээр үзүүлсэн) 12 сарын 26-ны өглөөний 8 цаг 30 минутад авсан ба үүний дараа тэд амиа алджээ.

 

Энэ дээр байгаа зураг бол одоогоор мэдэгдэж байгаа хамгийн сүүлчийн Einstein- ий зураг бөгөөд 1955 оны 3 сард авсан зураг юм байна. Энэ зургийн талаар нэг их баримт, тайлбар байдаггүй боловч тэрбээр Princeton дахь гэрийнхээ гадаа авахуулсан бололтой. Харин сарын дараа 1955 оны 4 сарын 17-ны өдөр Einstein дотоод цус алдалтад орж эмнэлэгт хүргэгдсэн ба маргааш нь нас баржээ.

Ихэнх хүмүүс Marylin Monroe-ийн сүүлчийн зургуудыг гэрэл зурагчин George Barris авсан гэж боддог. Гэвч үнэндээ Life сэтгүүлийн гэрэл зурагчин Allan Grant авчээ. Эдгээр зургууд нь 1962 оны 7 сарын 7-д Monroe-ийн гэр дэх сурвалжлагын үеэр авагдсан байна. Дээрх зургийг оролцуулаад нийт зургаан зураг Life сэтгүүлд нийтлэгдсэн байна. Харин сарын дараа буюу 1962 оны 8 сарын 5-ны өдөр Monroe гэртээ нас барсан байна. Үхлийн гол шалтгаан нь хүчтэй эмнээс хордсон гэж гарсан ба мөн амиа хорлолт ч гэж үздэг. Дээрх зураг нь Monroe-ийн ярилцлагатай хамтаар түүнийг үхэхээс ердөө хоёр хоногийн өмнө Life сэтгүүлд нийтлэгдэж байжээ.

Фото сэтгүүлч Bill Biggart дээрх зургийг 2001 он ы 9 сарын 11-д авчээ. Харамсалтай нь тэрбээр Дэлхийн Худалдааны Төвийн 2дахь цамхаг нурахад дарагдаж нас барсан байна. Дөрвөн хоногийн дараа түүний цогцсыг нурангин доороос гаргаж авсан ба камер болон бусад зүйлсийг нь эхнэрт нь хүлээлгэж өгчээ. Харин эхнэр нь Bill Biggart-ийн гэрэл зурагчин сайн найзад нь камерийг дурсгаж өгсөн бөгөөд эвдэрхий камер дотор зураг байна гэж бодоогүй аж. Харин найз нь камернаас 150 гаруй зураг олсон ба тэдгээр зургууд дотор дээрх зураг ч байсан аж. Энэхүү зургийг өглөөний 10 цаг 28 минут 24 секундад авсан ба харамсалтай нь 10 цаг 30 минутад хоёр дахь цамхаг нурсан билээ. Яг энэ зургаа авахаас өмнө тэрбээр эхнэртэйгээ ярьсан ба “санаа зовох хэрэггүй, 20 минутын дараа студид уулзъя, би гал сөнөөгчтэй байна” хэмээсэн нь хамгийн сүүлчийн яриа нь байжээ.

Diana гүнжийн үхэлтэй холбоотой удаан хугацааны мөрдөн байцаалтын эцэст энэ зураг олон нийтэд ил болсон юм. Зөвхөн үс нь гарсан түүний энэ сүүлчийн зураг түүний амьдралыг дуусгасан гэж хэлж болно.
1997 оны 8 сарын 31-ний өдрийн өглөөний 12 цаг 20 минутад энэ зургийг авчээ. БАруун гар талд зочид буудлын жолооч Henri Paul, хажуу талд нь бие хамгаалагч Trevor Rees-Jones сууж явсан ба түүний ар талд паппарициудаас нүүрээ буруулсан Diana гүнж болон түүний найз залуу болох Dodi Fayed нар байсан байна. Энэхүү зургийг авснаас хэдхэн секундын дараа гүнжийн сууж явсан Мерседес Place de l’Аlma –ийн тунель руу 105 км/ц –ийн хурдтай орсон ба жолооч хяналтаа алдаж хазайн багана мөргөснөөр эл аймшигт осол гарчээ. Dodi Fayed болон Henri Paul хоёр газар дээрээ нас барсан ба Diana гүнж эмнэлэгт хүргэгдээд тэр өглөөдөө нас барсан байна. Харин бие хамгаалагч Rees-Jones ганцаараа амьд үлдсэн байна.

 

Elvis Presley-ийн хамгийн сүүлчийн зургийг 1977 оны 8 сарын 16-ны өдөр авсан байдаг. Энэ зураг нь түүнийг Graceland-д ирж байх үеийнх аж. Гэвч тэр өдрөө сүйт бүсгүй Ginger Alden нь угаалгын өрөөндөө нас барсан байдалтайгаар нь олсон байна. Шинжээчдийн дүгнэлтээр бол тэрбээр үхэхээсээ өмнө тодорхой зайнд мөлхсөн гэдэг. Түүний үхэл албан ёсоор үдээс хойш 3:30 цагт бүртгэгдсэн байдаг ба таргалалт, хэт их эм хэрэглэсэн зэрэгтэй үхлийг нь холбож тайлбарладаг байна.

Түүний хамгийн сүүлчийн зургийг үхэхээс нь ойролцоогоор хоёр хоногийн өмнө авсан ба тэр үед Гитлер Берлиний бөмбөгдөлтөөс хамгаалах нуувчны гадаа зогсож байсан аж. Дэлхийн 2-р дайнд Герман ялагдсаны дараа Гитлер өөрийнхөө амьдралыг дуусгахаар шийдсэн байдаг. Гэхдээ амиа хорлохоосоо өмнө Eva Braun –тай гэрлэлтээ баталгаажуулсан бөгөөд мөн гэрээслэлээ бичиж үлдээсэн байна. Маргааш нь буюу 1945 оны 4-р сарын 30-ны өдөр Гитлер болон Браун нар зочдын өрөөндөө хамт орон амьдралдаа цэг тавицгаажээ. Гитлер цианит хор уугаад толгойндоо буудсан байдаг бол Браун зөвхөн цианит хор уун нас баржээ. Сонирхуулахад Гитлер өмнө нь өөрийн эмчээсээ амиа хорлох найдвартай аргыг асууж байсан ба цаадах нь цианит хор уугаад толгойдоо буудах хамгийн найдвартай гэж зөвлөсөн гэдэг.

Энэ зураг нь Anne Frank-ийн хамгийн сүүлд авахуулсан зураг бөгөөд тэрбээр өөрийн эгч Margot-ийн хамт 1942 оны дундуур авахуулжээ. Тэдний гэр бүлийг 1944 оны 8 сарын 4-д баривчилсан ба Хөдөлмөрийн хорих лагер луу шилжүүлжээ. 1945 оны 3 сард лагерт тахал гарч 17000 гаруй хоригдол нас барсан байна. Харин гэрчүүдийн хэлж буйгаар Margot орноосоо унаж нас барсан ба түүнээс хэдэн өдрийн дараа Anne нас баржээ.