Миссийн тэмцээн гэхээр ихэнх хүмүүс гоолиг нарийхан бүсгүйчүүдийн тухай боддог. Тэгвэл Израйлд мяраалаг, тарган эмэгтэйчүүдийн дунд гоо бүсгүй шалгаруулах "Fat and Beautiful"  нэртэй тэмцээн жил бүр зохиогддог байна. Оролцогчид нь 80-100 кг жинтэй байх шаардлагатай.  Өмнөд хэсгийн Be’er Sheva хотд болсон энэ тэмцээнийг зохион байгуулахад оролцсон Эстерика Нагид биеийн хэмжээ чухал биш гэдгийг хэлжээ.
Тэрээр ярихдаа "Тарган туранхай хүний хооронд ялгаа байхгүй, зөвхөн туранхай эмэгтэйчүүд үзэсгэлэнтэй гэж хэн ч хэлээгүй, би тарган байхыг дэмжиж байгаа юм биш, гэхдээ мяраалаг эмэгтэйчүүд энэ тэмцээнд оролцох нь нээлттэй" гэжээ.
Энэ удаагийн тэмцээнд 22 настай Vered Fischer  түрүүлжээ. Түүний жин нь 110 кг юм байна. Тэрээр өөртэй нь адил мяраалаг эмэгтэйчүүдэд хандаж хэлэхдээ "Та бүхэн байгаагаараа л бай, яагаад гэвэл та бүхэн үзэсгэлэнтэй, та нар амжилтанд хүрч чадна" гэжээ.
Ийнхүү мяраалаг эмэгтэйчүүдийн дунд зохиогддог тэмцээний нэр хүнд нэмэгдэж байгаа билээ.
Э.АМАР