Жүдо бөхчүүдийн дэлхийн шинэчилсэн чансааг Олон улсын жүдогийн холбооноос өнгөрсөн даваа гаригт гаргажээ.  Монголын жүдочдоос Хөдөлмөрийн баатар Х.Цагаанбаатар, Гавьяат тамирчин М.Бундмаа нар жиндээ дэлхийд хоёрдугаарт бичигдсэн байна.

 Х.Цагаанбаатарын өмнө, чансааны нэгдүгээрт Оросын жүдоч Алим Гаданов бичигджээ. Гавьяат тамирчин М.Бундмаа энэхүү байраа сүүлийн нэг жил гаруй хугацаанд хадгалж яваа бол дэлхийн аварга, олимпийн хүрэл медальт Х.Цагаанбаатар гуравдугаар байраас хоёрдугаарт дэвшсэн юм.

Харин олимпийн аварга Н.Түвшинбаяр болон С.Мияарагчаа, Д.Төмөрхүлэг нарын 11 жүдоч жин бүрийнхээ шилдэг 20-д багтжээ.

Д.Болор 
"Зууны мэдээ" сонин