Жүжигчин Том Крузын эхнэр Кэти Холмз гэр бүлээ цуцлуулах өргөдөл гаргажээ. 2006 оны 11-р сард Италид гэрлэж байсан хос таван жил хамтдаа амьдарсан юм. Тэдний охин Сури зургаан настай бөгөөд эх сурвалжуудын мэдээлж байгаагаар Холмз охиноо ганцаараа өсгөх хүсэлтэй байгаа юм байна.
"Биелэгдэшгүй Даалгавар" киноны од өмнө нь Мими Рожерс, Никол Кидман нартай гэрлэж байсан билээ.
49 настай Круз Кидманаас хоёр хүүхэдтэй юм байна. Холливүдийн хамгийн өндөр орлоготой жүжигчдийн нэг тэрээр хоёрдугаар сараас хойш Холмзтой цуг олны өмнө гарч харагдаагүй юм. Тэдний хөрөнгө нийлээд ойролцоогоор 275 сая доллар ажээ.
33 настай Кэти Холмз Dawson's Creek нэртэй Америкийн телевизийн жүжигт тоглож олонд танигдсан. Мөн тэрээр "Бэтмэний Эхлэл" кинонд дүр бүтээсэн билээ.
Э.АМАР