Яг одоо Жанжин Сүхбаатарын талбайд Төрийн далбааны өдөрт зориулсан Монгол цэргийн сүрт жагсаал эхэлж байна. Энэхүү арга хэмжээнд Монгол Улсын Ерөнхийлөгч, Зэвсэгт хүчний Ерөнхий командлагч Ц.Элбэгдорж, Ерөнхий сайд С.Батболд, УИХ-ын дарга Д.Дэмбэрэл, Батлан хамгаалахын сайд Ж.Энхбаяр нар оролцож байна.
Төрийн далбааны өдөрт зориулсан цэргийн сүрт жагсаалыг нээж Батлан хамгаалахын сайд Ж.Энхбаяр үг хэллээ.
Хүндэтгэлийн жагсаал нь тухайн улс орны тусгаар тогтнол, батлан хамгаалах цэрэг, зэвсгийн хүчин чадлыг харуулсан чухал арга хэмжээний нэг юм. Энэ утгаараа түүхт ойн баяраар Монгол Улсын Зэвсэгт хүчний цэрэг дайчид, Хил хамгаалах ерөнхий газар, Дотоодын цэрэг, Шүүхийн шийдвэр биелүүлэх ерөнхий газар, Онцгой байдлын ерөнхий газрын бие бүрэлдэхүүний төлөөлөл нийлсэн 2000 гаруй цэргийн албан хаагч хүндэтгэлийн жагсаалд оролцож байна.
