Хүний зан араншинг олон зүйлээр тодорхойлсоор ирсэн. Гэтэл одоо гар утасны тусламжтай ердөө ганц хоёрхон хормын дотор тодорхойлох боломжтой болжээ. Үүний тулд түүнд элдэв асуулт тавьж хариу нэхэх хэрэггүй. Харин утасных нь дууг сонсоход л хангалттай.

Тухайн хүн гар утсандаа сонгож байгаа дуу авиа ба зан араншинг нягт холбоотой болохыг сэтгэл судлаачид тогтоожээ. Хэрэв гар утсандаа бүдүүлэг, огцом, эсвэл амьтны дуу сонгож байвал дотроо хүүхдээрээ байгаа нэгэн гэнэ.

Хэрэв утасны дуугаа байнга сольж хамгийн сүүлийн үеийн моодны ая дууг тавьдаг бол маш хувирамтгай зан араншинтай нэгэн бөгөөд хүний итгэлийг даахгүй ажээ.
Харин сонгодог хөгжим тавьдаг бол өөртөө тун хайртай харьцахад яршигтай нэгэн байдаг гэнэ. Мэдээж энэ бүхний тусламжтай та найзаа сонжиж болох ажээ.