Зуны XXX олимп хэдхэн хоногийн дараа нээлтээ хийх гэж байна. Лондонгийн олимпод Монголын 29 тамирчин жүдо, чөлөөт бөх, усанд сэлэлт, хөнгөн атлетик, бокс гээд таван тивийн шилдэг тамирчидтай эр бяр, ур ухаанаа уралдуулна.

 Тэгвэл олимпод оролцох манай тамирчид дөнгөж сая баяр наадмын нээлтийн ажиллагаанд бүрэн багаараа оролцлоо. Олимпод оролцох тамирчдаа манлайлан Монгол Улсын гавъяат тамирчин, хөдөлмөрийн баатар цолтой, Азийн наадмын аварга, Азийн хошой аварга, самбо бөхийн дэлхийн хошой аварга Хашбаатарын цагаанбаатар төрийн далбаагаа барин төрийн есөн хөл цагаан тугаа тойрон, наадамчиддаа хүндэтгэл үзүүллээ. 

Лондонгийн тэнгэрт төрийн дууллаа эгшиглүүлж, далбаагаа мандуулахыг нийт тамирчиддаа хүсэн ерөөе.