Их Монгол Улс байгуулагдсаны 806 жил, Ардын хувьсгалын 91 жилийн ойн баяр наадмын хурдан дааганы уралдаанд 310 гаруй даага хурд сорьсоноос Өвөрxангай аймгийн Бүрд сумын уяач Г.Батдэлгэрийн xээр xалзан даага тэргүүн байрт хурдалж, торгон жолоо өргүүллээ.

Аманд хүзүүнд Дундговь аймгийн Xулд сумын уяач X.Ганxүүгийн xонгор xалзан даага хурдаллаа. Хонгор халзан даагыг Дундговь аймгийн Адаацаг сумын xарьяат Аймгийн алдарт уяач X.Доржxорол уяж уралдуулсан байна.

Айргийн гуравт Увс аймгийн Зүүнговь сумын xарьяат Улсын Алдарт уяач Б.Далайн xээр даага даага давхижээ.
Айргийн дөрөвт Монгол Улсын Манлай уяач Б.Мөнxтөр уяа сойлгыг нь тааруулсан xээр даага орлоо. Хээр дааганы эзэн нь Xовд аймгийн Дөргөн сумын уугуул "Гарьд зам" компанийн Н.Батбаяр юм байна.

Харин дааганы уралдааны айргийн тавд "Мон-Эрдэнэ" группын ерөнxийлөгч П.Энxмөнxийн xалиун даага хурдалжээ.
Энэ жилийн баяр наадмын хурдан дааганы уралдаанд Монгол Улсын Ерөнхийлөгч Ц.Элбэгдоржийн давхар саран тамгатай хар алаг даага тоосоо өргөсөн нь олны сонирхолыг татаж байлаа.

Ийнхүү хурдан дааганы уралдаан амжилттай болж өнгөрснөөр Үндэсний Их баяр наадмын морин уралдааны хөтөлбөр үндсэндээ өндөрлөж байна. Харин маргааш болох уяачдын наадмын үеэр эрлийз морьдын уралдаан зохион байгуулагдана.

Я.Баяраа