Спортын наадам тун удахгүй Лондонд нээлтээ хийх гэж байна. 2008 оны олимпын наадмаар монголчууд төрийн дууллаа эгшиглүүлж, олимпын медалын эзэн болсон. Энэ удаа ч бас ганзага хоосонгүй байхын ерөөл өргөж буй. Тэгвэл манай урлагынхан “Алтын төлөө хамтдаа” хэмээх дууг олимпид оролцох баг тамирчддаа зориулж дуулсан байна. “Харанга”-ын Лхагваа, “Sweetymotion” хамтлаг, “Coke’n beat-2011” наадмын ялагч Compass хамтлаг болон дуучин Маралжингоо хамтран дуулжээ.