УИХ-ын анхдугаар чуулган МАН-ын гишүүд ирээгүйгээс болж, өнөөдрийг хүртэл болоогүй. Өчигдөр хоёр удаа товлогдсон ч мөн л МАН-ын гишүүд ирээгүй учир болоогүй. Тиймээс Монгол Улсын Ерөнхийлөгч Ц.Элбэгдорж өчигдөр Ардчилсан намын дарга Н.Алтанхуяг, Монгол Ардын намын дарга С.Батболд болон УИХ-ын дарга Д.Дэмбэрэл нарыг хүлээн авч уулзсан. Тэгэхдээ төрийн ажлыг намын ажлаас тэргүүнд тавихыг үүрэг болгон, УИХ-ын хамгийн ахмад гишүүний хувьд УИХ-ын даргыг томилох хүртэл чуулганыг удирдах үүрэгтэй Д.Дэмбэрэлийг чуулганыг гацаахгүй даргалахыг үүрэгдсэн юм. Ингэснээр АН болон МАН-ын дарга нар зөвшилцөлд хүрч, чуулган өнөөдөр 10.00 цагт хуралдахаар болсон билээ.