Армений Жермук хотод FIDE (Олон улсын шатрын холбоо)-гийн эмэгтэйчүүдийн Гран-при буюу “Том цом”-ын тав дахь шатны тэмцээн үргэлжилж байна. Дэлхийн шилдэг 12 шатарчин өрсөлдөж буй тус тэмцээнд манай улсаас их мастер Б.Мөнгөнтуул эх орноо төлөөлөн оролцож байгаа тухай өмнө нь мэдээлж байсан.
Б.Мөнгөнтуул тэмцээний гуравдугаар өрөгт ОХУ-ын Екатерина Ковалевскаяд хожигдсон бол дөрвөөс долоодугаар тавилд ОХУ-ын Надежда Косинцева, Украины Катерина Лагно, БНХАУ-ын Жао Сюэ, эзэн орны Лилит Мкртчян нартай тэнцжээ. Харин уржигдар наймдугаар өргийн тоглолтоо тэмцээнийг хошуучлагчдын нэг “Өмнөд хөрш”-ийн Жу Вэнжуньтэй хийсэн бол өчигдөр Энэтхэгийн шилдэг их мастер Хумри Конерутай тогложээ. Долоон өргийн дараах байдлаар БНХАУ-ын Жу Вэнжунь 5.0, Хоу Ифань, Жуань Луфэй нар тус бүр 4.5 оноотой тэргүүлж байна. Харин манай их мастер 2.5 оноотой 11 дүгээр байрт явна.
Эх сурвалж: "Өглөөний сонин"
Б.Мөнгөнтуул тэмцээний гуравдугаар өрөгт ОХУ-ын Екатерина Ковалевскаяд хожигдсон бол дөрвөөс долоодугаар тавилд ОХУ-ын Надежда Косинцева, Украины Катерина Лагно, БНХАУ-ын Жао Сюэ, эзэн орны Лилит Мкртчян нартай тэнцжээ. Харин уржигдар наймдугаар өргийн тоглолтоо тэмцээнийг хошуучлагчдын нэг “Өмнөд хөрш”-ийн Жу Вэнжуньтэй хийсэн бол өчигдөр Энэтхэгийн шилдэг их мастер Хумри Конерутай тогложээ. Долоон өргийн дараах байдлаар БНХАУ-ын Жу Вэнжунь 5.0, Хоу Ифань, Жуань Луфэй нар тус бүр 4.5 оноотой тэргүүлж байна. Харин манай их мастер 2.5 оноотой 11 дүгээр байрт явна.
Эх сурвалж: "Өглөөний сонин"
