Өндөг шиг өөгүй өв тэгш хүн гэж энэ хорвоод байдаггүй нь үнэн. Хүн болгонд өөрийн гэсэн сул тал байдаг. Үүнийг хэн ч үгүйсгэж чадахгүй нь мэдээж юм. Гэхдээ аливаа хүн өөрийн зан чанарын дутагдалтай талыг хүлээн зөвшөөрч, эвлэрч суухдаа гол нь бус харин түүнийгээ засч залруулж сурах нь чухал юм.

"Эзэн хичээвэл заяа хичээнэ" гэж үг байдаг. Ер нь өөртөө итгэлгүй зан хүний амьдралд төдийгүй ажил амжилтанд хамгийн их хор нөлөө үзүүлдэг. Өөртеө итгэлгүй зан төлөвийн муу тал нь хүнийг аливаа амжилтаас нь хойш татаад зогсохгүй сул дорой нэгэн болгодог. Тиймээс эрэгтэй, эмэгтэй хэн ч бай аль болох өөртөө итгэлтэй, эрс шийдэмгий байх нь юу юунаас чухал юм. Хэрэв та өөртөө итгэлгүй байдаг бол доорх байдлаар үнэлэгдэнэ. Үүнд:

• Бусдад үнэлэгдэх үнэлэмж эрс буурна,
• Хүссэндээ хүрч чадахгүйд хүрнэ,
• Бусдад сул дорой харагдана,
• Аливаа эрсдлээс айж хулчийна,
• Үргэлж толгой гудайж явах болно,
• Бусдын нөлөөнд амархан автагдана,
• Бие дааж шийдэх чадваргүй болно,
• Өөрийн боломжийг үр ашиггүй алдана.