Уг твийтэд “@foxnewspolitics: "Шуурхай мэдээ: @BarackObama хоёр удаа буудуулан, амь насаа алдлаа” хэмээн бичсэн байжээ.

Энэхүү твийт Британийн зуны цагийн хуваариар 07.00 цагт нийтлэгдсэн ба одоог хүртэл устгагдаагүй, харагдсаар л байна.

Улстөрийн шуурхай мэдээллийн тэргүүлэгч сайт Fox-ын аккаунтыг хакердсан бүлэг өөрсдийгөө The Script Kiddies хэмээн нэрлээд байна.  Чухам ямар шалтгаанаар тус телевизийн сувгийг сонгосон нь одоогоор тодорхойгүй байгаа ба Обаматай холбоотой хэд хэдэн твийтийг дахин нийтлээд байна.

Дашрамд дурьдахад, Тагнуулын төв газар, Сенатын сайт зэргийг хакердаж шуугиан тарьж байсан Lulz Security хакерын бүлэг Fox.com сайтыг эхний бай болгон сонгож хакердаж байсан юм. Тус халдлагын уршгаар X Factor нэвтрүүлгийн Америк хувилбарт оролцохоор бүртгүүлсэн 73,000 хүний хувийн мэдээлэл алдагдаад байгаа юм.

Н.Наран