Шинэ Улсын Их Хурал вэб сайтаа шинэчилж парламентын сурвалжлагчид, хэвлэл мэдээллийн байгууллагууд, өргөн олон нийтэд шинэ нүүр царай, шинэ дүр төрхтэйгээр толилуулахаар болжээ.
Тус сайтаас Улсын Их Хурлын бүрэлдэхүүн, түүний удирдлага, бүтцийн тухай танилцуулга, УИХ-ын байнгын болон дэд хороодын бүтэц, бүрэлдэхүүний тухай бүрэн мэдээлэл авах боломжтойгоос гадна УИХ-ын даргын өдөр тутмын үйл ажиллагааны холбогдолтой шинэ мэдээ, мэдээлэл, чуулганы нэгдсэн хуралдаан болон байнгын, дэд хороодын хуралдааны тойм, УИХ-аас баталсан хууль тогтоомж, төрийн бодлого шийдвэртэй шуурхай танилцах юм.
Мөн УИХ-ын үйл ажиллагааны холбогдолтой дүрстэй мэдээ, долоо хоногийн тойм, гэрэл зургийн түүхэн сан, сурвалжлагыг толилуулж байхаар болсон байна.

Д.Сувд