- Татварын Ерөнхий Газрын дарга Б.Баттөмөрийн урилгаар манай улсад айлчилж буй БНСУ-ын Татварын албаны дарга ноён Хиюн Дун Ли тэргүүтэй төлөөлөгчдийн айлчлал маргааш өндөрлөнө.
-БОНХЯ, ИКИМОС-ийн Монголын үндэсний хороо, ШУА-ийн Биологийн хүрээлэн зэрэг байгууллагатай хамтран Монгол Дагуурын дархан цаазат газрыг Дэлхийн өвийн жагсаалтад бүртгүүлэх бэлтгэл ажлыг хангах зорилгоор хурлын үйл ажиллагааг энэ сарын 4-7-ны өдрүүдэд зохион байгуулахаар төлөвлөөд байна. Хуралд Монгол талаас 3, Герман улсаас 2, ОХУ-аас улсаас 6 төлөөлөгч оролцохоор болжээ.
-Ази тивийн Амар мөрний ай савд багтдаг Монгол Дагуурын дархан цаазат газар, түүний орчны бүс нутаг, Тосон-Хулстайн БНГ-дын экосистем, байгалийн талаар баримтат кино хийх бэлтгэл ажлыг хангах зорилгоор Австри улсын иргэн Хафнер Франз, Герман улсын иргэн Александар Гиценберг нар өнгөрсөн сарын 26-наас энэ сарын 4-ний хооронд тус газруудад ажиллаж байна.
-"Лондон 2012" паралимпийн байт харвааны төрөлд өрсөлдөж буй манай тамирчин ОУХМ Б.Жавзмаа маргааш их шөвөгт мөнгөн медалийн төлөө БНСУ-ын тамирчин И Хва Сүктэй өрсөлдөнө.
-БНХАУ-ын соёлын өдрүүд Улаанбаатар хотноо үргэлжилнэ.
-Австрали болон Монгол Улсын дипломат харилцаа тогтоосны 40 жилийн ойг тохиолдуулан зохион байгуулж буй Австралийн тэргүүлэгч контемпорари урлагийн зураачдын "Өнөөгийн Австралийн урлаг" үзэсгэлэн "Цагаандариум" музейд үргэлжлэн гарна. Уг үзэсгэлэн энэ сарын 15 хүртэл үргэлжлэх юм.
-Энэ өдөр 2 буюу 7-оор төгссөн дугаартай автомашин замын хөдөлгөөнд оролцохгүй.

Г.Уран