Орчин үед албан тасалгааны дотоод заслаас гадна тавилгын загвар дизайн чухалд тооцогдох болсон. Тэгвэл Францад үйл ажиллагаа явуулдаг нэгэн компани алтадсан компьютер бүтээжээ.
Зохион бүтээгч Жорж Ширита хэлэхдээ "Бид өрөөний дотоод засалтай зохицож чадах, загвар дизайн сайтай компьютер бүтээхийг зорьсон. Мөн бид компьютер хэрэглээ гэдгээс гадна бидний ажиллах орчныг чимдэг эд зүйл болсон гэдгийг анзаарсан" гэсэн байна.
Энэ компьютерын гадна харагдах байдал цорын ганц давуу тал нь биш гэнэ. Жорж "Энэ компьютерийн электрон эд ангиудыг сүүлийн үеийн дэвшилтэт технологиор бүтээсэн. Мөн бидний ашигласан Франц загвар хэзээ ч хуучирдаггүй" хэмээн ярьжээ.
Ширитагийн үзэж байгаагаар түүний бүтээсэн компьютерийг Европын ихэс дээдэс болон Хятад, Ойрхи Дорнодын чинээлэг иргэд худалдан авч магадгүй ажээ. Учир нь алтадсан компьютерийн үнэ 17000 евро юм байна.
Жорж Ширита Английн хатан хаан Элизабетын хаан ширээнд заларсны 60 жилийн ойг тохиолдуулан түүнд алтадсан флаш диск илгээж байжээ.
Э.АМАР