Ухаалаг гар утас хэрэглэгчдийн хүсэн хүлээж байсан iPhone5 худалдаанд гарах гэж байна. Ухаалаг гар утас болон таблетийн үйлдвэрлэлээр дэлхийд тэргүүлэгч Apple компани энэ сарын 12-нд шинэ iPhone5 утсаа олонд танилцуулж нээлтээ хийсэн байна. Apple компанийн мэргэжилтэн Виктор Бастагийн ярьж байгаагаар тэд шинэ утасны апликейшнийг сайжруулахын тулд цаг хугацаа, хөрөнгө их зарцуулсан. iPhone5 нь iPhone4S-ийг бодвол илүү хөнгөн, нарийхан болсон.Арай том хэмжээтэй. Урдныхыгаа бодвол том дэлгэцтэй буюу 4 инч дэлгэцтэй болсон. Дэлгэцний нягтрал 1136*640 пиксел. Төмөр гадаргуу шилэн болж хувирснаар жин хөнгөрсөн. Жингийн хувьд iPhone 4S 140 грамм байсан бол iPhone5 112 грамм буюу 18 хувиар хөнгөрсөн. Өөрөөр хэлбэл дэлхийн хамгийн нарийхан ухаалаг гар утас болсон гэсэн үг юм. Өргөний хэмжээ 7.6 мм болж нарийссан буюу 20 хувиар нарийссан. Зай хураагуурын хүчин чадал нэмэгдэж, зайгаа удаан барьдаг болсон. Апликейшн татаж авах хурд нэмэгдсэн. Интернетийн хурд нэмэгдэж, график дүрслэл дээшилсэн. Интернетийн хурд 3G буюу LTA системтэй болсон. А6 гэсэн чип буюу мемори карттай. Хамгийн сонирхолтой нь албан газрын хаягны зургийг аваад хайхад газрын зураг дээр гарч ирдэг болсон. Илүү дутуу болхи үйлдлүүд хасагдсан зэрэг маш олон дэвшил гарчээ. Гэрээт хэрэглэгчдэд 199 доллараар худалдагдана. iPhone5 худалдаанд гарахаас өмнө гар утас үйлдвэрлэгч Nokia болон Motorola компаниуд шинэ загварын ухаалаг гар утсыг танилцуулсан. Гэсэн ч төдийлөн амжилт олоогүй. Apple компанийн хэрэглэгчид iPhone худалдаанд гарахаас өмнө захиалж эхлээд байна.iPhone5 энэ сарын 21-нээс албан ёсоор худалдаанд гарч эхэлнэ.
Shuum.mn